Nottingham Forest hefur áhuga á Emmanuel Dennis, 24 ára framherja Watford sem skoraði 10 mörk og gaf 6 stoðsendingar er liðið féll úr ensku úrvalsdeildinni á síðustu leiktíð.
Dennis er sóknarmaður að upplagi en getur einnig spilað á báðum köntum og vill Watford fá 20 milljónir punda fyrir leikmanninn.
Forest vill frekar fá Dennis á lánssamningi með kaupmöguleika en ólíklegt er að Watford samþykki það.
Dennis er 24 ára gamall og kostaði aðeins 3,5 milljónir þegar Watford keypti hann af Club Brugge í fyrrasumar. Hann á fjögur ár eftir af samningi sínum við Watford.
Athugasemdir
