Lautaro átt frábært ár - Gæti bætt met Vieri og Milito

Argentínumaðurinn knái hefur átt magnað ár en hann hefur skorað alls 28 mörk í Serie A á þessu ári. Inter á þrjá leiki eftir og eru þeir gegn Lazio, Lecce og Genoa.

Christian Vieri gerði slíkt hið sama árið 2001 í treyju Inter og þá skoraði Diego Milito einnig 28 deildarmörk árið 2012 fyrir Inter. Lautaro hefur nú jafnað þessa menn og er kappinn nú í dauðafæri á að bæta metið.

Lautaro hefur lengi verið orðaður við Barcelona og stærstu liðin á Englandi en honum virðist líða mjög vel á Ítalíu og hefur hann engan áhuga á að yfirgefa Inter. Hann sagði á dögunum að hann vonast eftir að skrifa undir nýjan samning við félagið fljótlega eftir jól.

Lautaro varð heimsmeistari með Argentínu á síðasta ári og þá fór hann með Inter í úrslitaleik Meistaradeildar Evrópu á síðustu leiktíð.