Spænska félagið Villarreal hafnaði 35 milljón evra tilboði Liverpool í nígeríska vængmanninn Samuel Chukwueze í janúar. France Football greinir frá þessu.
Liverpool fékk aðeins einn leikmann í glugganum en Takumi Minamino kom frá RB Salzburg í Austurríki fyrir um það bil 7,75 milljón punda.
Jürgen Klopp, stjóri Liverpool, vildi stækka hópinn enn meira og samkvæmt France Football þá lagði félagið fram 35 milljón evra tilboð í Chukwueze hjá Villarreal.
Chukwueze er 20 ára gamall en hann kom til Villarreal árið 2017 og var fljótur að vinna sig upp. Hann á nú yfir 60 leiki að baki með liðinu í spænsku deildinni og þykir með efnilegustu leikmönnum deildarinnar.
Villarreal hafnaði því tilboði Liverpool en hann er með klásúlú í samningnum upp á 100 milljónir evra.
Hann var valinn besti ungi leikmaðurinn í Nígeríu árið 2019 og var þá níundi í valinu á besta U21 leikmanni heims.
Chukwueze - Most promising U21 RW in the world.pic.twitter.com/G26IloazBJ
— JK (@JKRegista) February 7, 2020
Athugasemdir