„Það er klárt mál að við viljum fara upp með þetta lið," segir Samúel Samúelsson, formaður Vestra, í viðtali í „Miðjunni" á Fótbolta.net.
Nýliðar Vestra enduðu í 7. sæti í Lengjudeildinni í fyrra en Sammi vill nú stíga næsta skref og fara með liðið upp í Pepsi Max-deildina.
Nýliðar Vestra enduðu í 7. sæti í Lengjudeildinni í fyrra en Sammi vill nú stíga næsta skref og fara með liðið upp í Pepsi Max-deildina.
„Markmiðið er alltaf hátt fyrir vestan og á hverju einasta ári geri ég kröfur sem eru kannski ekki einu sinni raunhæfar. Kröfurnar í ár eru að fara upp í Pepsi Max-deildina. Mannskapurinn núna er góður og við eigum eftir að styrkja liðið. Það eru einhverjar breytingar en samt ekki miklar."
„Minn draumur er að Vestri spili í efstu deild einhverntímann. Ég held að það myndi gera svo mikið fyrir samfélagið ef við værum að fá lið eins og KR, FH, Breiðablik og Val á Ísafjörð."
Hér að neðan má hlusta á viðtalið í heild sinni en þar ræðir Sammi meðal annars tillögur fyrir ársþing KSÍ og af hverju hann styður 14 liða efstu deild.
Athugasemdir