Það er þungt yfir Mourinho þessa dagana.
„Allir leikmennirnir á bekknum hjá Leipzig væru í byrjunarliðinu hjá mér í augnablikinu," sagði Jose Mourinho, stjóri Tottenham, eftir 3-0 tapið gegn RB Leipzig í síðari leik liðanna í 16-liða úrslitum Meistaradeildarinnar í gærkvöldi.
Tottenham var án Steven Bergwijn, Ben Davies, Harry Kane, Davinson Sánchez, Moussa Sissoko og Son Heung-min í gær en þeir eru á meiðslalistanum.
„Við eigum við mörg vandamál að stríða og þetta er mjög erfitt. Ég var jákvæður í gær (í fyrradag) og ég þarf að vera þannig. Raunveruleikinn er hins vegar annar."
„Annað liðið er mun sterkara. Auðvitað var þetta erfitt og Leipzig verðskuldar klárlega að fara í 8-liða úrslit. Öll lið í heimi myndu lenda í vandræðum ef að það myndi vanta fimm eða sex mikilvægustu mennina. Svo einfalt er það."
Sjá einnig:
Mourinho: Held að það sé gott fyrir okkur að detta út
Athugasemdir
