Raffaele Palladino.
Bayern München tók Atalanta í kennslustund og vann 6-1 útisigur þegar liðin mættust í fyrri viðureign sinni í 16-liða úrslitum Meistaradeildarinnar í gær.
Raffaele Palladino, stjóri Atalanta, viðurkennir að mikill gæðamunur sé á liðunum en kýs að horfa á glasið hálffullt og segir að lið sitt verði betra eftir þennan leik.
Raffaele Palladino, stjóri Atalanta, viðurkennir að mikill gæðamunur sé á liðunum en kýs að horfa á glasið hálffullt og segir að lið sitt verði betra eftir þennan leik.
„Ég vil hrósa Bayern, þetta er virkilega sterkt lið og þeir voru óviðráðanlegir á köflum. Bestir í okkar liði voru stuðningsmennirnir." segir Palladino.
„Þetta er reynsla sem hjálpar okkur að vaxa. Ég myndi fara eins inn í leikinn ef hann yrði spilaður aftur."
Atalanta á annan erfiðan leik næsta, þá gegn toppliði ítölsku A-deildarinnar í Inter. Palladino segir að sitt lið hafi alltaf svarað tapleikjum á réttan hátt og vonast til þess að sú verði áfram raunin.
Athugasemdir
