Þjálfarateymi Ægis; Nenad og Baldvin.
„Gaman að fá að máta okkur við þessi stærri og sterkari lið landsins og gaman að fá þau í Þorlákshöfnina. Ég vona bara að Nenad sé að vinna hörðum að því að gera völlinn kláran," sagði Baldvin Már Borgarsson, aðstoðarþjálfari Ægis, eftir að hann dró sitt lið á móti FH í 32-liða úrslitum Mjólkurbikarsins.
„Ég hefði viljað fá Val og reyna sparka aðeins í Tryggva Hrafn og Sigga Lár, en ef ekki þá hefði ég viljað fá RB eða Uppsveitir - hreinskilinn með það."
Rúmar þrjár vikur eru í að Lengjudeildin hefjist. Hvernig líta hlutirnir út hjá Ægi?
„Þetta er farið að líta talsvert betur út heldur en þegar við vorum að tapa fyrir Augnabliki og vorum 5-0 undir í hálfleik á móti ÍR. Við ætlum að taka einmitt æfingaleik á móti ÍR á föstudaginn og sjá hvort við séum ekki komnir á betri stað en fyrir rúmlega mánuði síðan. Ég er bjartsýnn og finnst þetta líta ágætlega út."
Baldvin segir að leikmannahópurinn sé orðinn klár fyrir sumarið, en hvað þurfa Ægismenn að gera til þess að vinna FH eftir viku?
„FH-ingarnir hafa ekki verið á góðu skriði síðustu 1-2 árin og maður sér alveg möguleika í því að berja aðeins á þeim. Þeir eru með mjög gott lið og komnir kannski í betri farveg en fyrir ári síðan."
„En við unnum Fylki þegar við vorum 2. deildar lið að spila við topp Lengjudeildarlið, núna erum við Lengjudeildarlið að spila við gott Bestu deildar lið og ég sé alveg möguleika. Að spila þetta heima verður bara skemmtilegt," sagði Baldvin.
Athugasemdir
