Bjóða Skriniar langtímasamning og fyrirliðabandið

Skriniar gekk til liðs við Inter árið 2017 en þessi 27 ára gamli slóvakíski miðvörður hefur leikið 235 leiki fyrir félagið og skorað 11 mörk. Núgildandi samningur hans rennur út næsta sumar.

„Ég er mjög bjartsýnn á að ná samkomulagi við Skriniar á næstu vikum um nýjan langtímasamning. Við verðum í sambandi við umboðsmenn hans og vonumst til að klára þetta á næstu vikum," sagði Marotta.

Fabrizio Romano greinir frá því að Marotta ætli að bjóða leikmanninum að taka við fyrirliðabandinu sem Samir Handanovic markvörður liðsins er með þessa stundina.