FH tapaði sínum þriðja leik í röð þegar liðið beið lægri hlut gegn Víkingum í Pepsi Max-deildinni í dag. FH-ingum gekk erfiðlega að skapa sér færi í Fossvoginum og uppskera liðsins á tímabilinu alls ekki eftir væntingum.
Lestu um leikinn: Víkingur R. 2 - 0 FH
„Við erum vonsviknir, við byrjuðum frábærlega í fyrri hálfleik og spiluðum eins og við töluðum um. Eftir að þeir skora þá fá þeir þetta upp í sínar hendur og vinna verðskuldað finnst mér," sagði Matthías Vilhjálmsson, fyrirliði FH, hreinskilinn eftir leik.
Hvað þarf FH að gera betur til að fara að safna stigum?
„Við þurfum að spila betur í 90 mínútur, við höfum oft spilað einhverja parta af leikjunum vel. Við þurfum að sækja betur og verjast betur, það er einfalda svarið. Þetta er ekki nægulega gott."
„Okkur öllum í FH finnst að við getum gert betur. Þetta var fyrsti leikur eftir þriggja vikna pásu hjá okkur og Janssen sprautu. Það er leiðinlegt að afsaka sig með því. Við þurfum bara að hysja upp okkur brækurnar."
Athugasemdir
