Spánn: Sevilla í góðum málum

Sevilla fór langleiðina með að tryggja sér Meistaradeildarsæti með 2-0 heimasigri á Mallorca. Lucas Ocampos kom Sevilla yfir úr vítaspyrnu. Mallorca hefur núna fengið á sig 16 vítaspyrnur í deildinni á tímabilinu og er það jöfnun á meti yfir flestar vítaspyrnur fengnar á sig.

Youssef En-Nesyri gulltryggði Sevilla sigurinn með marki á 84. mínútu leiksins. Lokatölur 2-0.

Mallorca er í 19. sæti, þremur stigum frá öruggu sæti þegar liðið á eftir tvo leiki óspilaða. Leganes er einnig þremur stigum frá öruggu sæti en liðið vann góðan 1-0 sigur á Valencia í dag þrátt fyrir að hafa verið einum færri frá 54. mínútu. Valencia, sem er í níunda sæti, klúðraði vítaspyrnu eftir klukkutíma leik.

Eibar er búið að tryggja veru sína í deildinni á næstu leiktíð eftir 2-0 útisigur á vonlausu Espanyol-liði sem fallið er úr deildinni. Athletic Bilbao, er þá í sjöunda sæti - Evrópusæti - eftir sigur gegn Levante.

Espanyol 0 - 2 Eibar
0-1 Edu Exposito ('25 , víti)
0-2 Edu Exposito ('36 )
0-2 Edu Exposito ('36 , Misnotað víti)

Leganes 1 - 0 Valencia
1-0 Ruben Perez ('18 , víti)
1-0 Daniel Parejo ('60 , Misnotað víti)
Rautt spjald: Jonathan Silva, Leganes ('54)

Levante 1 - 2 Athletic
0-1 Raul Garcia ('4 )
0-2 Raul Garcia ('45 )
1-2 Enis Bardhi ('71 )

Sevilla 2 - 0 Mallorca
1-0 Lucas Ocampos ('41 , víti)
2-0 Youssef En-Nesyri ('84 )