Aaron Wan-Bissaka stóð sig ansi vel í sínum fyrsta leik fyrir Manchester United í ensku úrvalsdeildinni þegar liðið valtaði yfir Chelsea í gær.
Wan-Bissaka hefur fengið ansi góða dóma fyrir sína frammistöðu en hann þótti afar öruggur í öllum sínum aðgerðum. Paul Parker, fyrrum varnarmaður Manchester United, segir hann besta hægri bakvörð deildarinnar.
„Ég er búinn að horfa á hann lengi og ég hrífst svo innilega af því sem að hann gerir," segir Parker.
„Fólk vill tala um Trent Alexander-Arnold en hann getur ekki gert sömu hluti og Wan-Bissaka varnarlega. Hann er magnaður að verjast og staðsetningarnar hans eru frábærar,"
„Hann vann allar tæklingar sem að hann fór í á móti Chelsea og maður sá það um leið og hann fór í tæklinguna að hann myndi vinna hana. Hann spilaði eins og hann væri búinn að vera þarna í mörg ár. Hann er besti hægri bakvörður ensku úrvalsdeildarinnar í dag," sagði Paul Parker.
Theatre of Dreams 🏟 #AWB pic.twitter.com/PBlWuN3tqi
— Aaron Wan-Bissaka (@awbissaka) August 12, 2019
Athugasemdir