Arnar Þór Helgason fyrirliði Gróttu kom í viðtal í stað þjálfarans eftir leik þar sem hann er í banni. Arnar var mjög ánægður með leikinn þar sem Grótta vann 4-2 gegn Aftureldinu í kvöld.
Lestu um leikinn: Grótta 4 - 2 Afturelding
„Þetta var bara frábær sigur á Vivaldi vellinum í kvöld og ég held að engum líði illa eftir svona frábæran leik. Við vorum fínir í fyrri hálfleik en við fáum á okkur mark og förum í hálfleik 1-0 undir en ég var aldrei hræddur um að ná ekki stigum í þessum leik. Við héldum bara trúnni og sigldum eins og skúta í gegnum þennan leik og enduðum náttúrulega á því að vinna það er bara frábær tilfinning."
Það var mikið af köllum eftir spjöldum og vítum í þessum leik og dómarinn dæmdi sum en sum ekki, hvernig fannst þér frammistaða hanst í kvöld?
„Hann stóð sig ágætlega. Þetta var eins og þú sagðir erfiður leikur að dæma en ég held þetta hafi nú bara mest megnis verið rétt hjá honum. Eftir að maður kemur inn í klefa og meltir þetta aðeins, auðvitað er maður ekki sammála honum inn á vellinum en hann var bara flottur."
Viðtalið má sjá í heild sinni í spilaranum hér fyrir ofan þar talar Arnar nánar um restina af tímabilinu hjá Gróttu.