Alex Smithies er genginn til liðs við Leicester frá Cardiff City. Hann gerir tveggja ára samning við félagið.
Smithies er fyrsti leikmaðurinn sem gengur til liðs við Leicester í sumar en félaginu vantaði markvörð eftir að Kasper Schmeichel yfirgaf félagið til að skrifa undir hjá Nice í Frakklandi.
Smithies er 32 ára gamall og á yfir 400 leiki með Huddersfield, QPR og Cardiff í Championship deildinni og League One. Hann var í leikmannahópi Cardiff í úrvalsdeildinni tímabilið 2018/19 en spilaði ekki leik.
„Þetta verður öðruvísi fyrir mig. Ég verð meiri liðsmaður, styðja við bakið á leikmönnum og vera klár að stíga upp þegar ég er beðinn um það," sagði Smithies við undirskriftina.
Athugasemdir