banner
   mið 13. janúar 2021 17:00
Magnús Már Einarsson
Skrtel reiður - Segist ekki ætla að hætta
Mynd: Getty Images
Martin Skrtel, fyrrum varnarmaður Liverpool, segist ekki ætla að leggja skóna á hilluna þrátt fyrir að hafa meiðst alvarlega á milli jóla og nýárs.

Hinn 36 ára gamli Skrtel sleit hásin í leik með Istanbul Basaksehir í Tyrklandi á dögunum.

Slóvakinn spilar ekki meira á þessu tímabili og í vikunni komst hann að samkomulagi um að rifta samningi sínum hjá Istanbul Basaksehir.

Daily Mail sagði frá þessu og bætti við að Skrtel væri að íhuga að leggja skóna á hilluna frægu.

Skrtel svaraði fyrir sig á Instagram í dag og ef marka má orð hans þá ætlar hann að halda áfram að spila.

Athugasemdir
banner
banner
banner
banner
banner