Búrkína Fasó vann fyrsta sigur sinn í Afríkukeppninni í A-riðlinum í kvöld er liðið lagði Grænhöfðaeyjar að velli, 1-0.

Eina mark leiksins gerði Hassane Bande, leikmaður Ajax í Hollandi, en hann skoraði með bringunni eftir fyrirgjöf frá Issa Kabore, leikmanni Manchester City. Kabore er á láni frá City hjá Troyes í Frakklandi. Bande er á láni hjá NK Istra í Króatíu.

Gustavo Sangare var líflegur í liði Grænhöfðeyja og átti nokkur fín skot í leiknum en Herve Koffi var vel á verði í markinu.

Búrkína Fasó er með þrjú stig eins og Grænhöfðeyjar. Búrkína Fasó mætir Eþíópíu í lokaumferðinni á meðan Grænhöfðaeyjar mæta Kamerún.