Gylfi Þór Sigurðsson og aðrir leikmenn Everton eru allir komnir í sóttkví eftir að einn leikmaður liðsins greindist með einkenni fyrir kórónuveirunni.

Ekki hefur verið staðfest að leikmaðurinn sé með veiruna en í yfirlýsingu frá Everton segir að allir leikmenn og þjálfarar liðsins hafi verið sendir í sóttkví og æfingasvæði félagsins hafi verið lokað.

Everton segist einnig vera í góðu sambandi við leikmanninn sem um ræðir og vel sé fylgst með öðrum leikmönnum.