Heimild: RÚV 

„„Þá myndu vera þrjú hólf í stúkunni og tvö á pallettum til hliðar. Þannig að við erum að horfa á, ef það eru 200 í hverju hólfi, að 600 myndu fá sæti af 1000 og 400 væru í hálfgerðum stæðum." segir Sveinbjörn Þorsteinsson, viðburðarstjóri hjá KR, við RÚV í kvöld.

„Þá verður lágmarksþjónusta, salerni og sjoppa en þú ert í rauninni ekki að vafra mikið eða spjalla mikið við félagana, að fara á milli hólfa til dæmis. Það verður ekki í boði þannig að þú ert í raun bara að fara mikið inn og út á leikinn. Með því getur þó fólkið allavega komið á völlinn og ég held það séu allir að bíða eftir því."

Sveinbjörn var spurður hvernig verði séð til þess að fjarlægðarmörk verði virt á vellinum.

„Fólk verður svolítið að finna það hjá sjálfu sér. Auðvitað eru hólfin rúmgóð og eiga að geta virt þessa tveggja metra reglu en það er svolítið undir fólki sjálfu komið þegar það er mætt á völlinn að vera ekki ofan í næsta manni."

Framkvæmdastjóri Vals tók í svipaðan streng og segir hægt að skipta áhorfendaðstöðu Vals upp í fimm 200 manna hólf. Valur - KR er opnunarleikur Pepsi Max-deildar karla og fer hann fram laugardagskvöldið 13. júní.