Man City setur verðmiða á Cancelo - Simons eftirsóttur - Lille hafnar Liverpool
   mán 13. maí 2024 08:00
Innkastið
Sterkastur í 6. umferð - Fékk heiðursskiptingu
Guðfinnur Þór Leósson (ÍA)
Guðfinnur Þór Leósson.
Guðfinnur Þór Leósson.
Mynd: Jónína Guðbjörg Guðbjartsdóttir
Mynd: Fótbolti.net - Hafliði Breiðfjörð
Hinn 24 ára gamli Guðfinnur Þór Leósson, miðjumaður ÍA, er Sterkasti leikmaður 6. umferðar í boði Steypustöðvarinnar. Valið var opinberað í Innkastinu.

Hann steig heldur betur upp hjá Skagamönnum sem unnu 3-0 gegn Vestra á laugardag en marga miðjumenn vantaði í lið þeirra gulu.

„Það var mikið búið að tala um hver ætti að taka við keflinu á miðsvæðinu eftir öll skakkaföllin hjá Skagaliðinu. Guðfinnur átti nánast fullkominn leik í dag. Steig varla feilspor og skoraði síðan þriðja markið sem var rjóminn ofan á kökuna. Fékk líka heiðursskiptingu í lokin og allir Skagamenn risu á fætur og klöppuðu. Alls ekki amalegt," skrifaði Sölvi Haraldsson, fréttamaður Fótbolta.net, í skýrslunni eftir leik.

„Staðan er ekki nógu góð á hópnum. Þetta eru margir menn á miðsvæðinu sem vantaði hérna í dag. En þeir sem komu inn í leikinn í dag voru stórkostlegir. Guðfinnur var valinn maður leiksins og Ingi var einnig algjörlega frábær," sagði Jón Þór Hauksson, þjálfari ÍA, eftir leikinn.

Guðfinnur er uppalinn í ÍA en hann hóf meistaraflokksferil sinn með Kára á Akranesi árið 2016. Hann spilaði svo einn leik með ÍA í Bestu deildinni ári síðar. Á undanförnum árum hefur hann spilað með Kára, Víking Ólafsvík og Aftureldingu. Í fyrra spilaði hann 19 leiki með Kára í 3. deild og skoraði átta mörk.


Sterkustu leikmenn:
5. umferð - Magnús Arnar Pétursson (HK)
4. umferð - Jason Daði Svanþórsson (Breiðablik)
3. umferð - Ari Sigurpálsson (Víkingur)
2. umferð - Viktor Jónsson (ÍA)
1. umferð - Karl Friðleifur Gunnarsson (Víkingur)
Innkastið - Hrikalegir dagar fyrir Gregg Ryder
Besta-deild karla
Lið L U J T Mörk mun Stig
1.    Víkingur R. 10 8 1 1 25 - 10 +15 25
2.    Breiðablik 10 7 1 2 24 - 12 +12 22
3.    Valur 10 6 3 1 23 - 12 +11 21
4.    FH 9 4 2 3 16 - 16 0 14
5.    ÍA 9 4 1 4 18 - 13 +5 13
6.    Fram 9 3 4 2 12 - 12 0 13
7.    Stjarnan 10 4 1 5 17 - 18 -1 13
8.    KR 9 3 2 4 18 - 19 -1 11
9.    Vestri 9 3 1 5 11 - 20 -9 10
10.    HK 9 2 1 6 8 - 17 -9 7
11.    KA 9 1 2 6 13 - 23 -10 5
12.    Fylkir 9 1 1 7 12 - 25 -13 4
Athugasemdir
banner
banner
banner