Varaleikmenn kallaðir til
Það ríkir neyðarástand fyrir opnunarleik Copa America, viðureign heimamanna í Brasilíu sem mæta Venesúela í kvöld klukkan 21 að íslenskum tíma.
Alls tólf í leikmanna- og starfshóp Venesúela hafa greinst með Covid-19 og eru komnir í einangrun.
Þrátt fyrir það á að spila leikinn en Venesúela hefur þurft að kalla inn varaleikmenn í hópinn sem verða mættir rétt fyrir leik. Um er að ræða leikmenn sem spila í deildinni í Venesúela.
Alls tólf í leikmanna- og starfshóp Venesúela hafa greinst með Covid-19 og eru komnir í einangrun.
Þrátt fyrir það á að spila leikinn en Venesúela hefur þurft að kalla inn varaleikmenn í hópinn sem verða mættir rétt fyrir leik. Um er að ræða leikmenn sem spila í deildinni í Venesúela.
Heimsfaraldurinn hefur haft mikil áhrif á Copa America en mótið átti upphaflega að vera í Argentínu og Kólumbíu en var á síðustu stundu fært til Brasilíu.
Tíu lið taka þátt í mótinu en það á að standa yfir til 10. júlí.
Athugasemdir