Gummi á leiki að baki fyrir Selfoss, ÍBV, Sarpsborg, Nordsjælland, Rosenborg og Norrköping. Hann er 28 ára og hefur spilað fimm A-landsleiki fyrir Ísland.
New York City 2 - 1 FC Cincinnati
1-0 Alexander Ring ('39)
2-0 Anton Tinnerholm ('55)
2-1 Brandon Vazquez ('74)
1-0 Alexander Ring ('39)
2-0 Anton Tinnerholm ('55)
2-1 Brandon Vazquez ('74)
Guðmundur Þórarinsson lék allan leikinn sem vinstri bakvörður er New York City FC lagði FC Cincinnati að velli í bandarísku MLS deildinni í nótt.
New York stjórnaði fyrri hálfleiknum algjörlega og voru heimamenn óheppnir að vera aðeins einu marki yfir í leikhlé. Alexander Ring, fyrrum leikmaður Kaiserslautern, skoraði það.
Gestirnir tóku völdin eftir leikhlé en Anton Tinnerholm, fyrrum leikmaður Malmö, náði að skora gegn gangi leiksins á 55. mínútu.
Gestirnir juku sóknarþungann og minnkaði Brandon Vazquez muninn þegar tuttugu mínútur voru eftir en jöfnunarmarkið leit ekki dagsins ljós.
Þetta var fjórði sigur New York í fimm síðustu leikjum og í fyrsta sinn sem Gummi Tóta fær að spila heilan keppnisleik fyrir félagið.
New York er í fimmta sæti austurhluta MLS deildarinnar, með 16 stig eftir 11 umferðir.
Athugasemdir