Marokkó og Senegal geta farið róleg inn í landsleikjagluggann í nóvember en þá ræðst hvaða átta önnur lönd slást í hópinn fyrir umspilið.

Egyptaland er á barmi þess að tryggja sér sæti en liðið vann Libíu í tveimur leikjum í liðnum glugga. Mohamed Salah og félagar þurfa þrjú stig úr síðustu tveimur leikjunum, gegn Angóla og Gabon, til að vera öruggir með sæti í umspilinu.

Libía á enn möguleika en þá þarf liðið að vinna sömu andstæðinga og Egyptaland og treysta á að Egyptar vinni ekki í síðustu tveimur leikjunum.

Túnis er þremur stigum á undan Miðbaugs-Gíneu í B-riðli en í flestum öðrum riðlum er allt hnífjafnt. Alsír er á toppi A-riðils með sama stigafjölda en betri markatölu en Búrkína Fasó og Fílabeinsströndin er einu stigi á undan Kamerún í D-riðli.

Í G-riðli er Suður-Afríka einu stigi á undan Gana og í C-riðli er Nígería tveimur stigum á undan Grænhöfðaeyjum. Í E-riðli er Malí tveimur stigum á undan Úganda en liðin eiga eftir að mætast innyrðis. Þrjú lið eru í baráttu um toppsæti I-riðils. Tansanía og Benín eru með tveimur stigum meira en Kongó.