Það styttist í endurkomu Lisandro Martínez, varnarmanns Manchester United, sem hefur verið fjarverandi frá því í febrúar þegar hann meiddist alvarlega á hné í leik gegn Crystal Palace.
Samkvæmt enskum fjölmiðlum stefnir Argentínumaðurinn á að snúa aftur á völlinn fyrir mánaðarmót.
Martinez gekkst undir myndatöku í síðustu viku sem kom vel út, og er áætlað að hann hefji æfingar að fullu með liðinu á næstu dögum.
Man Utd mætir Liverpool næstkomandi sunnudag en sá argentíski horfir til þess að vera leikfær og kominn í leikmannahóp eftir þann leik.
Athugasemdir
