England um helgina - Tottenham og Man Utd mætast

Veislan byrjar strax í kvöld í ensku úrvalsdeildinni þar sem Brighton fær Chelsea í heimsókn.

Sjö leikir eru á dagskrá á morgun en Arsenal er í miklum meiðslavandræðum en Kai Havertz bættist á listann á dögunum og er því ansi þunnskipað fram á við. Liðið mætir fallbaráttuliði Leicester.

Manchester City og Newcastle eigast við og Aston Villal mætir Ipswich en báðir leikirnir hefjast klukkan 15 ásamt þremur öðrum. Crystal Palace og Everton mætast í síðasta leik dagsins.

Það eru áhugaverðir leikir á sunnudaginn en Liverpool fær Wolves í heimsókn eftir vonbrigðin í grannaslagnum á Goodison Park, liðið verður án Arne Slot og aðstoðarmannsins Sipke Hulshoff sem fengu rautt gegn Everton og þá fékk Curtis Jones einnig rautt.

Tottenham og Man Utd hafa verið í vandræðum á tímabilinu og eru að berjast í neðri hlutanum. Liðin mætast í lokaleik umferðarinnar.