Hvorki Gimnasia né Banfield vildu spila bikarleik sín á milli í gærkvöldi vegna kórónaveirunnar.
Stjórn argentínska deildasambandsins hótaði að draga stig af liðunum í deildarkeppninni ef þau myndu ekki mæta til leiks.
Liðin eru bæði í fallbaráttu í efstu deild og spiluðu því leikinn í gær til að missa ekki stig. Viðureigninni lauk með markalausu jafntefli.
Argentínska deildin hefur verið gagnrýnd harðlega fyrir þessa ákvörðun og munu leikmenn beggja liða vera prófaðir fyrir kórónaveirunni um helgina.
Athugasemdir
