„Stuðningsmenn eru slegnir því það fylgja þessu engar útskýringar. Það kemur hvergi fram hvort það sé vilji stjórnarinnar eða Jóns Páls. Stuðningsmenn voru á bandi Jóns Páls og það hef ég eftir traustum heimildum. Ég myndi alls ekki útiloka það að þetta sé ágreiningur milli þjálfara og stjórnar," segir Gunnar.

Ingólfur Sigurðsson er fyrrum leikmaður Víkings í Ólafsvík.

„Ég þekki stjórnarmenn Víkings mjög vel. Þetta eru miklir herramenn og öðlingar. Ég myndi aldrei trúa því að þeir myndu reka mann eftir nokkrar umferðir fyrir einhverja smámuni. Maður er hálf sjokkeraður yfir þessu. Þeir fara ekki í svona nema eftir vel ígrundað mál, ég trúi ekki öðru," segir Ingólfur.

Hvorki Víkingur Ólafsvík né Jón Páll vildu í kvöld tjá sig um ástæður þess að hann var rekinn. Í Innkastinu var rætt um hversu erfitt það er að taka við af Ejub Purisevic í Ólafsvík og að Jón Páll hafi alls ekki verið fyrsta nafn á blaði hjá félaginu þegar hann var ráðinn.