Serie A deildin fór af stað í gær en meistararnir í AC Milan mættu þá Udinese í mjög fjörugum leik á San Siro vellinum í Mílanó borg.
Udinese byrjaði betur og komst yfir með marki frá Rodrigo Becao strax á annari mínútu leiksins. Hann stangaði þá knöttinn inn eftir hornspyrnu.
AC Milan jafnaði metin úr vítaspyrnu en mörgum fannst dómurinn umdeildur og sköpuðust umræður á Twitter um að VAR væri ekki að vinna vinnuna sína þarna. Dæmir hver fyrir sig.
Ante Rebic kom Milan yfir en Adam Masina jafnaði með skemmtilegum flugskalla rétt fyrir hálfleik og var staðan 2-2 þegar flautað var til leikhlés.
Mörk frá Brahim Diaz og Ante Rebic í síðari hálfleiknum sáu til þess að AC Milan hefur titilvörnina með þremur stigum. Mikil stemning var á pöllunum á San Siro vellinum og ljóst eins og má sjá og heyra í myndbandinu hér að neðan.