Mbappe var í byrjunarliðinu gegn Atalanta í Ofurbikar Evrópu í kvöld og var hann þar að þreyta frumraun sína eftir að hafa komið frá Paris Saint-Germain í sumar.

Eftir markalausan fyrri hálfleik stigu Madrídingar á bensíngjöfina, en staðan er nú 2-0 þökk sé mörkum frá Federico Valverde og Mbappe.

Markið gerði hann á 68. mínútu eftir sendingu frá Jude Bellingham. Englendingurinn hljóp á eftir erfiðri sendingu, beið eftir hlaupinu hjá Mbappe sem síðan setti hann efst í hægra hornið.