Ítalía um helgina - Höfuðborgarslagur og Ítalíuslagur

Veislan hefst strax í kvöld þegar Lazio og Roma eigast við í hatrömmum höfuðborgarslag.

Roma hefur verið að gera fína hluti á tímabilinu og er sex stigum fyrir ofan Lazio eftir 17 umferðir.

Aðeins þrír leikir eru á dagskrá á laugardaginn þar sem Andri Fannar Baldursson gæti komið við sögu er Bologna tekur á móti Verona.

Sunnudagurinn er afar fjörugur og hefst á spennandi viðureign Napoli gegn Fiorentina. Síðar um daginn á Atalanta heimaleik við Genoa áður en stórleikur helgarinnar og mögulega tímabilsins á sér stað.

Inter og Juventus eigast þar við í Ítalíuslagnum svokallaða. Inter er í öðru sæti, fjórum stigum fyrir ofan Ítalíumeistara Juventus sem eiga leik til góða.

Topplið AC Milan heimsækir svo Cagliari mánudagskvöldið.

Leikur kvöldsins:
19:45 Lazio - Roma (Stöð 2 Sport 2)

Laugardagur:
14:00 Bologna - Verona (Stöð 2 Sport 4)
17:00 Torino - Spezia (Stöð 2 Sport 2)
19:45 Sampdoria - Udinese

Sunnudagur:
11:30 Napoli - Fiorentina (Stöð 2 Sport 2)
14:00 Crotone - Benevento (Stöð 2 Sport 4)
14:00 Sassuolo - Parma (Stöð 2 Sport 2)
17:00 Atalanta - Genoa (Stöð 2 Sport 2)
19:45 Inter - Juventus (Stöð 2 Sport 4)

Mánudagur:
19:45 Cagliari - Milan