Bayer Leverkusen vann flottan útisigur gegn Borussia Mönchengladbach þegar liðin áttust við í deild þeirra bestu í Þýskalandi. Sigurinn hefði getað verið mun þægilegri fyrir Leverkusen.

Robert Andrich kom Leverkusen í forystu á 51. mínútu er hann kom boltanum í netið eftir hornspyrnu. Stuttu fyrir markið klúðraði Patrik Schick.

Schick bætti upp fyrir klúðrið með því að skora annað mark Leverkusen á 74. mínútu.

Nico Elvedi minnkaði muninn fyrir Gladbach á 81. mínútu og það gerði síðustu mínúturnar spennandi. Kerem Demirbay hefði getað róað taugar stuðningsfólks Leverkusen þegar hann steig á vítapunktinn á 88. mínútu. Hann klikkaði hins vegar og fóru tvær vítaspyrnur forgörðum hjá Leverkusen í leiknum.

Þeir náðu þó að landa sigrinum, lokatölur 1-2 fyrir gestina í Leverkusen sem eru í þriðja sæti með 32 stig. Gladbach er í 12. sæti.

Önnur úrslit í dag:
Þýskaland: Þrenna frá Lewandowski - Erfitt hjá Stuttgart