Breiðablik hafði betur gegn Keflavík með tveimur mörkum gegn einu en Guðjón Pétur Lýðsson kom liðinu yfir með marki úr vítaspyrnu áður en Bojan Stefán Ljubicic jafnaði metin svo úr einmitt vítaspyrnu.

Stefán Gíslason sem gekk til liðs við Breiðablik frá Belgíu fyrir alls ekki svo löngu síðan skoraði svo sigurmark Blika í byrjun síðari hálfleiks. Breiðablik er því á toppnum í riðli 1 með 10 stig á meðan Keflavík er með 7 stig í þriðja sæti.

Víkingur Reykjavík sigraði þá Víking Ólafsvík með þremur mörkum gegn tveimur en liðin mættust í Reykjaneshöllinni. Gestirnir komust yfir áður en Eyþór Helgi Birgisson jafnaði metin en Reykjavíkurliðið komst fljótlega aftur yfir.

Aron Elís Þrándarson bætti svo við þriðja markinu aður en Brynjar Kristmundsson minnkaði muninn úr vítaspyrnu. Lengra komust Ólafsvíkingar ekki en Víkingur R. er í toppsætinu með 10 stig á meðan Ólafsvíkingar eru í næst neðsta sæti með 3 stig.

Úrslit og markaskorarar:

Keflavík 1-2 Breiðablik
0-1 Guðjón Pétur Lýðsson ('16, vítaspyrna )
1-1 Bojan Stefán Ljubicic ('41, vítaspyrna )
1-2 Stefán Gíslason ('49 )

Víkingur Ó. 2-3 Víkingur R.
0-1 Markaskorara vantar ('21 )
1-1 Eyþór Helgi Birgisson ('29 )
1-2 Markaskorara vantar ('41 )
1-3 Aron Elís Þrándarson ('47 )
2-3 Brynjar Kristmundsson ('78, vítaspyrna)