Heimavöllur Fulham er kallaður Craven Cottage og snýr önnur hlið leikvangsins að Tempsá. Daily Mail segir Khan þurfa að eyða um 80 milljónum punda til að stækka stúkuna og auka hámarksfjölda áhorfenda þannig um fjögur þúsund manns.

Khan er sagður borga 5 milljónir punda fyrir hluta af ánni og nú getur hann fært árvegginn lengra inn í ána. Khan þarf að færa vegginn til að skapa pláss fyrir stækkun á stúkunni.

Hann þarf sjálfur að greiða fyrir nýja vegginn og þá þarf hann einnig að borga fyrir sérstakt leyfi til að færa árvegginn.

Fulham er þessa stundina í þriðja sæti Championship deildarinnar, sex stigum á eftir toppliðunum þegar níu umferðir eru eftir af tímabilinu.