Julian Brandt er 23 ára.
Tottenham reynir að fá þýska landsliðsmanninn Julian Brandt, 23 ára, frá Bayer Leverkusen.
Talið er að Brandt yfirgefi þýska félagið í sumar, sama hvort Leverkusen tryggi sér Meistaradeildarsæti eða ekki í lokaumferðinni.
Talið er að Brandt yfirgefi þýska félagið í sumar, sama hvort Leverkusen tryggi sér Meistaradeildarsæti eða ekki í lokaumferðinni.
Brandt er á leið inn í síðustu tvö ár af samningi sínum og getur yfirgefið Leverkusen fyrir aðeins 21 milljón punda vegna riftunarákvæðis í samningi hans.
Sóknarmiðjumaðurinn er kominn með níu mörk og sautján stoðsendingar á þessu tímabili. Mörg félög hafa horft til hans, þar á meðal Liverpool, Borussia Dortmund og Atletico Madrid.
Jurgen Klopp er sagður hrifinn af leikmanninum og reyndi að fá hann 2017.
SportBild segir að Tottenham sé í viðræðum við föður Brandt en Tottenham hefur ekki keypt leikmann inn í aðalliðið síðan félagið fékk til sín Lucas Moura fyrir átján mánuðum.
Framtíð Christian Eriksen er enn í óvissu en hann á ár eftir af samningi sínum við Tottenham. Real Madrid er sagt hafa áhuga á honum.
Athugasemdir
