Vilhjálmur Kári Haraldsson, þjálfari Breiðabliks.
„Mér líður mjög vel, það var mjög gott fyrir okkur að svara fyrir síðasta leik strax, það var mjög mikilvægt. Þetta var hörkuleikur." voru fyrstu viðbrögð Vilhjálms Kára Haraldssonar þjálfara Breiðabliks.
Lestu um leikinn: Breiðablik 3 - 1 Þór/KA
Hvernig fannst Vilhjálmi leikurinn spilast í dag?
„Svipað og ég bjóst við. Við erum búnir að segja það við þjálfararnir að deildin er jöfn, þó fjölmiðlamenn hafa ekki alveg trú á því. Þetta eru bara jafnir leikir og hörkuleikir og allir geta unnið alla. Mér fannst við bara ná fínu leik í dag, við sköpuðum okkur töluvert af færum og baráttan var góð."
Vilhjálmur var ánægður með vinnuframlag sinna stúlkna á vellinum í dag.
„Sérstaklega náttúrulega bara frábær barátta, þær byrjuðu grimmar og við svona þurftum aðeins að finna taktinn og þá skiptir svo miklu máli að byrja með baráttu og geta svarað á móti"
Breiðablik fær Tindastól í næsta leik í deildinni og býst Vilhjálmur við hörkuleik.
„Það er bara eins og allt, erfiður leikur þetta er bara ósköp einfallt, við spiluðum við þær í Lengjubikarnum og vitum að þær eru með mjög öflugt lið og það verður erfiður leikur eins og allir þessir leikir."
Viðtalið má sjá í heild hér í sjónvarpinu að ofan.
Athugasemdir
