Úr leik Stjörnunnar og Vals.
Stjarnan vann Val í Garðabænum í kvöld en eina mark leiksins kom í uppbótartíma. Varamaðurinn Óskar Örn Hauksson lagði upp fyrir annan varamann, Oliver Haurits.
Lestu um leikinn: Stjarnan 1 - 0 Valur
„Það var ótrúlega sætt að sjá varamennina klára þetta fyrir okkur," sagði Ágúst Gylfason, þjálfari Stjörnunnar, eftir leikinn og hrósaði einnig stuðningsmönnum.
Óskar Örn hefur verið á bekknum síðustu tvo leiki, einhverjir veltu því fyrir sér hvort hann væri eitthvað tæpur en svo er ekki.
„Hann var ekki í liðinu í dag en er í toppstandi og sýndi það hérna í lokin. Á geggjaða sendingu. Það var orka í honum."
Þá var varnarmaðurinn Brynjar Gauti Guðjónsson utan hóps.
„Það er mikil samkeppni og Brynjar Gauti var utan hóps,"
Næsti leikur Stjörnunnar er fyrir norðan gegn KA.
„Það verður virkilega erfiður leikur. Við erum á ákveðinni vegferð og hver og einn leikur er forvitnilegur."
Sjáðu viðtalið í heild í sjónvarpinu hér að ofan.
Athugasemdir
