Það var baulað hátt þegar þjóðsöngur Íslands var spilaður fyrir landsleikinn gegn Tyrklandi í gær.

Tyrkneskir áhorfendur bauluðu hástöfum er lofsöngur Íslendinga var spilaður.

„Varla hægt að heyra í íslenska þjóðsöngnum fyrir bauli.. baulað samfleytt á meðan okkar söngur var spilaður," skrifaði Elvar Geir Magnússon í textalýsingu Fótbolta.net.

Gylfi Þór Sigurðsson, fyrirliði Íslands í leiknum, var spurður út í þetta eftir leikinn.

„Það skipti okkur engu máli. Við bjuggumst alveg við því að þeir myndu ekki hafa hljóð og hlusta á þjóðsönginn. Svona er þetta bara," sagði Gylfi.

Leikurinn í gær endaði með markalausu jafntefli sem þýðir að Ísland þarf að fara í umspil til að eiga möguleika á því að komast í lokakeppni EM 2020.

Tweet

Senda a Facebook Hafdu samband Senda frétt Prenta frétt Frétta leit