Spánverjar geta tryggt sér sæti á HM með sigri gegn Georgíu en þeir eru með fullt hús stiga og 15-0 í markatölu sem stendur. Georgía þarf hins vegar á sigri að halda til að eiga einhvern möguleika á því að stela öðru sætinu af Tyrklandi.

Spánn mætir til leiks með sterkt byrjunarlið þar sem má finna ýmsa leikmenn úr ensku úrvalsdeildinni. Ferran Torres, Álex Baena og Mikel Oyarzabal leiða sóknarlínuna með Fermín López, Yeremy Pino og Dani Olmo meðal varamanna.

Í byrjunarliði Georgíu eru stjörnuleikmennirnir Giorgi Mamardashvili og Khvicha Kvaratskhelia en framherjinn öflugi Georges Mikautadze er ekki með vegna meiðsla.

Tyrkir geta tryggt sér annað sæti E-riðils með sigri gegn botnliði Búlgaríu í dag. Tyrkir mæta til leiks með sterkt byrjunarlið þar sem má finna menn á borð við Hakan Calhanoglu, Arda Güler og Kenan Yildiz.

Wales heimsækir smáþjóð Liechtenstein og eru Karl Darlow, Neco Williams, Daniel James og Ethan Ampadu, fjórir leikmenn Leeds United, allir í byrjunarliðinu.

Wales þarf sigur í Liechtenstein til þess að eiga hreinan úrslitaleik við Norður-Makedóníu um annað sæti J-riðils.

Að lokum getur Austurríki farið langleiðina með að tryggja sér toppsæti H-riðils með sigri gegn Kýpur í kvöld. Marko Arnautovic leiðir sóknarlínuna og ber fyrirliðabandið.

Georgía: Mamardashvili, Gocholeishvili, Lochoshvili, Goglichidze, Mamuchashvili, Tabatadze, Mekvabishvili, Kiteishvili, Davitashvili, Zivzivadze, Kvaratskhelia

Spánn: Simon, Porro, Cubarsi, Laporte, Cucurella, Merino, Zubimendi, Ruiz, Torres, Baena, Oyarzabal

---

Wales: Darlow, Williams, Rodon, Lawlor, Dasilva, Thomas, Justin, Ampadu, James, Broadhead, Harris

---

Tyrkland: Cakir, Celik, Demiral, Bardakci, Kadioglu, Calhanoglu, Yuksek, Aydin, Guler, Yildiz, Akturkoglu

---

Austurríki: A.Schlager, Posch, Danso, Lienhart, X.Schlager, Laimer, Seiwald, Schmid, Baumgartner, Sabitzer, Arnautovic