Kasakstan 1 - 1 Belgía
1-0 Dastan Satpaev ('9 )
1-1 Hans Vanaken ('48 )
Rautt spjald: Islam Chesnokov, Kasakstan ('79)
1-0 Dastan Satpaev ('9 )
1-1 Hans Vanaken ('48 )
Rautt spjald: Islam Chesnokov, Kasakstan ('79)
Kasakstan og Belgía áttust við í fyrsta leik dagsins í undankeppni Evrópuþjóða fyrir HM og tóku heimamenn forystuna snemma leiks.
Dastan Satpaev skoraði markið og var fyrri hálfleikurinn nokkuð jafn. Belgar komust ekki mikið áleiðis og virtist Kasökum líða vel í varnarleiknum þar sem þeir beittu skyndisóknum sem sköpuðu usla.
Kasakar leiddu í hálfleik en Hans Vanaken jafnaði fyrir Belga strax í upphafi síðari hálfleiks eftir undirbúning frá Timothy Castagne.
Það var aðeins eitt lið á vellinum í síðari hálfleik en einhvern veginn tókst Belgum ekki að skora annað mark. Temirlan Anarbekov átti stórleik á milli stanga heimamanna og fékk Islam Chesnokov að líta beint rautt spjald á lokakaflanum.
Tíu Kasakar héldu út gegn Belgum svo lokatölur urðu 1-1.
Belgía er áfram á toppi J-riðils og nægir jafntefli á heimavelli gegn Liechtenstein í lokaumferðinni til að tryggja sér sæti á lokamótinu.
Belgar eru með 15 stig fyrir lokaumferðina, tveimur stigum fyrir ofan Norður-Makedóníu og með talsvert betri markatölu.
Athugasemdir
