Fótbolti.net

sun 16. febrúar 2025 22:08

Ívan Guðjón Baldursson

Spánn: Antony skoraði og lagði upp gegn Real Sociedad

Antony er kominn með þrjú mörk og eina stoðsendingu í fjórum leikjum með Real Betis.

Mynd: EPA

Vedat Muriqi er kominn með þrjú mörk í síðustu tveimur leikjum með Mallorca.

Mynd: EPA

Orri kom ekki við sögu í kvöld.

Mynd: Fótbolti.net - Hafliði Breiðfjörð

Brasilíski kantmaðurinn Antony hefur farið gífurlega vel af stað hjá Real Betis þar sem hann leikur á lánssamningi frá Manchester United.

Antony átti ótrúlega erfitt uppdráttar með Rauðu djöflunum í enska boltanum en skoraði og lagði upp í 3-0 sigri Betis gegn Real Sociedad í dag. Orri Steinn Óskarsson var ónotaður varamaður í liði gestanna.

Sociedad tók ekki mikinn þátt í leiknum eftir 20. mínútu þegar varnarmaður liðsins fékk beint rautt spjald fyrir að brjóta af sér sem aftasti varnarmaður. Rauða spjaldið er umdeilt og margir þeirrar skoðunar að gult spjald hefði nægt.

Betis fékk dæmda vítaspyrnu á 33. mínútu en Giovani Lo Celso klúðraði svo staðan hélst markalaus allt þar til í upphafi síðari hálfleiks, þegar Antony skoraði með stórglæsilegu skoti við vítateigslínuna. Boltinn fór í gegnum svakalega þvögu í vítateignum áður en hann endaði í netinu.

Marc Roca, fyrrum miðjumaður FC Bayern og Leeds United, kom inn af bekknum í hálfleik og skoraði tvö mörk til að innsigla sigurinn. Seinna markið sitt skoraði Roca með bylmingsskoti rétt fyrir utan teig á 69. mínútu, eftir einfalda sendingu frá Antony.

Sheraldo Becker fékk að líta beint rautt spjald á 75. mínútu og kláruðu gestirnir í liði Real Sociedad leikinn með 9 leikmenn á vellinum gegn 11. Lokatölur urðu 3-0 fyrir Betis sem klifrar uppfyrir Sociedad á stöðutöflunni.

Betis er núna þremur stigum frá Evrópudeildarsæti, einu stigi fyrir ofan Sociedad.

Fyrr í dag tók Mallorca á móti Las Palmas og skóp þægilegan sigur. Vedat Muriqi skoraði tvennu á fyrsta hálftíma leiksins áður en hinn 36ára gamli Dani Rodríguez innsiglaði sigurinn með þriðja og síðasta marki heimamanna.

Rodríguez lagði einnig fyrsta markið upp og urðu lokatölur 3-1 eftir að Stefan Bajcetic, lánsmaður frá Liverpool, minnkaði muninn fyrir Las Palmas í seinni hálfleik.

Liðin áttust við í sannkölluðum sólarstrandaslag, enda eru Mallorca og Las Palmas afar vinsælir ferðamannastaðir allan ársins hring.

Mallorca er að eiga frábært tímabil og er aðeins einu stigi frá Evrópusæti í deildinni, á meðan Las Palmas er í harðri fallbaráttu.

Real Betis 3 - 0 Real Sociedad
0-0 Giovani Lo Celso ('33 , Misnotað víti)
1-0 Antony ('51 )
2-0 Marc Roca ('64 )
3-0 Marc Roca ('69 )
Rautt spjald: Igor Zubeldia, Real Sociedad ('20)
Rautt spjald: Sheraldo Becker, Real Sociedad ('75)

Mallorca 3 - 1 Las Palmas
1-0 Vedat Muriqi ('7 )
2-0 Vedat Muriqi ('28 )
3-0 Dani Rodriguez ('35 )
3-1 Stefan Bajcetic ('62 )

		L	U	J	T	ms:	mf:	mun	Stig
1	Barcelona	37	31	1	5	94	33	+61	94
2	Real Madrid	37	26	5	6	73	33	+40	83
3	Villarreal	37	21	6	10	67	45	+22	69
4	Atletico Madrid	37	21	6	10	61	39	+22	69
5	Betis	37	14	15	8	57	47	+10	57
6	Celta	37	13	12	12	52	48	+4	51
7	Getafe	37	14	6	17	31	38	-7	48
8	Vallecano	37	11	14	12	39	43	-4	47
9	Valencia	37	12	10	15	43	54	-11	46
10	Real Sociedad	37	11	12	14	58	60	-2	45
11	Espanyol	37	12	9	16	42	54	-12	45
12	Athletic	37	13	6	18	41	54	-13	45
13	Alaves	37	11	10	16	43	54	-11	43
14	Sevilla	37	12	7	18	46	59	-13	43
15	Osasuna	37	11	9	17	44	49	-5	42
16	Elche	37	10	12	15	48	56	-8	42
17	Levante	37	11	9	17	46	59	-13	42
18	Girona	37	9	13	15	38	54	-16	40
19	Mallorca	37	10	9	18	44	57	-13	39
20	Oviedo	37	6	11	20	26	57	-31	29