Ousmane Dembele ætlar ekki að framlengja samning sinn við Barcelona eins og staðan er núna.
Börsungar hafa verið í fjárhagsvandræðum og buðu Dembele samning sem hann taldi ekki vera ásættanlegur.
Hinn 24 ára gamli Dembele verður samningslaus næsta sumar og getur hann byrjað að ræða við önnur félög núna. Fjölmiðlamaðurinn Gerard Romero segir að Dembele muni ekki yfirgefa félagið í þessum mánuði. Ef hann fer frá Barcelona, þá fer hann frítt næsta sumar þegar samningur hans rennur út.
Romero segir jafnframt að Dembele telji sjálfan sig vera í heimsklassa og hann vilji fá borgað eftir því. Það hefur verið skrifað um það í spænskum fjölmiðlum að Dembele hafi beðið um tæplega 500 þúsund pund í vikulaun frá Barcelona.
Dembele gekk í raðir Barcelona frá Borussia Dortmund árið 2017 fyrir 135 milljónir evra. Hann hefur ekki staðið undir væntingum og verið mikið meiddur. Þrátt fyrir það vill Barcelona halda leikmanninum en launakröfur hans þykja of háar fyrir félagið sem á í fjárhagsvandræðum.
Contamos @JijantesFC
— Gerard Romero (@gerardromero) January 15, 2022
Dembelé comunica al Barça q no va a renovar con las condiciones del Barça. No quiere salir en enero sino gratis el 30 de junio. Considera q es una figura top mundial y se le debe pagar como tal. Cifras inasumibles para Barça
Entra a https://t.co/Y25R35wmhm
Athugasemdir