Daníel Leó Grétarsson var í byrjunarliði Blackpool í 1-0 sigri gegn Sunderland í dag.
Sunderland kom í heimsókn til Blackpool á Bloomfield Road í ensku C-deildinni.
Grindvíkingurinn Daníel Leó átti frábæran leik fyrir Blackpool og fær mikið hrós á samfélagsmiðlum. Hann þurfti hins vegar að fara meiddur af velli þegar stundarfjórðungur var eftir. Hann hefur verið afar óheppinn með meiðsli.
Blackpool vann leikinn 1-0 og er í fimmta sæti deildarinnar með 68 stig. Sunderland er í þriðja sæti.
Jökull hélt hreinu
Hinn 19 ára gamli Jökull Andrésson stóð vaktina í markinu hjá Exeter í ensku D-deildinni gegn Southend í dag.
Svo fór að leikurinn endaði með markalausu jafntefli. Exeter er í áttunda sæti, einu stigi frá umspilinu þegar liðið á eftri að spila fimm leiki.
Athugasemdir