Evrópumótið er í fullu fjöri og fara þrír leikir fram í dag, þar sem Rúmenía spilar við Úkraínu í fyrsta leik dagsins.
Hér væri Ísland að mæta til leiks ef Úkraínumönnum hefði ekki tekist að vinna endurkomusigur í úrslitaleik umspilsins um síðasta lausa sætið á EM.
Spennandi lið Belgíu spilar svo við Slóvakíu, sem vann Ísland í tvígang í undankeppninni fyrir EM, áður en Austurríki og Frakkland eigast við í áhugaverðum slag.
Það munu ýmsar stórstjörnur mæta til leiks í dag þegar Belgía og Frakkland stíga á svið, en þær mega ekki vanmeta andstæðinga sína sem gætu orðið til vandræða.
Leikir dagsins:
13:00 Rúmenía - Úkraína
16:00 Belgía - Slóvakía
19:00 Austurríki - Frakkland
Athugasemdir