Orri hefur verið meiddur nánast allt tímabilið.
Beðið er eftir niðurstöðu úr skoðun á Orra Steini Óskarssyni sem fór meiddur af velli í leik með Real Sociedad í gær, eftir að hafa komið inn af bekknum sem varamaður örfáum mínútum áður.
Orri kom inn af bekknum hjá á 89. mínútu í bikarleik gegn Osasuna og í kjölfarið gerði Sociedad mikilvægt jöfnunarmark í uppbótartíma, en síðan var Orra óvænt skipt af velli áður en framlengingin hófst.
Stuðningsmenn spænska liðsins furðuðu sig á þessari skiptingu og einhverjir gagnrýndu Pellegrino Matarazzo, stjóra liðsins, fyrir slæma framkomu í garð Orra.
Matarazzo útskýrði hinsvegar eftir leik að ekki hefði verið um taktíska breytingu að ræða heldur hefði Orri fundið fyrir meiðslum og þurft að fara af velli.
Orri kom inn af bekknum hjá á 89. mínútu í bikarleik gegn Osasuna og í kjölfarið gerði Sociedad mikilvægt jöfnunarmark í uppbótartíma, en síðan var Orra óvænt skipt af velli áður en framlengingin hófst.
Stuðningsmenn spænska liðsins furðuðu sig á þessari skiptingu og einhverjir gagnrýndu Pellegrino Matarazzo, stjóra liðsins, fyrir slæma framkomu í garð Orra.
Matarazzo útskýrði hinsvegar eftir leik að ekki hefði verið um taktíska breytingu að ræða heldur hefði Orri fundið fyrir meiðslum og þurft að fara af velli.
Orri var nýkominn til baka eftir rúmlega hundrað daga fjarveru vegna meiðsla. Orri spilaði fyrstu þrjár umferðirnar í La Liga áður en hann meiddist. Hann spilaði svo örfáar mínútur í deildarleik um daginn en er nú kominn aftur á meiðslalistann.
Orri er landsliðsfyrirliði Íslands en gat ekkert spilað með í undankeppni HM.
Athugasemdir
