Twente er komið í 8-liða úrslit
Íslenski landsliðsmaðurinn Kristian Nökkvi Hlynsson og félagar hans í Twente eru komnir áfram í 8-liða úrslit hollenska bikarsins.
Kristian Nökkvi byrjaði hjá Twente á meðan Kolbeinn Birgir Finnsson var ónotaður varamaður á bekknum hjá Utrecht.
Utrecht tók forystuna snemma í leiknum en Twente náði að koma til baka með tveimur mörkum á fjórtán mínútum í síðari hluta síðari hálfleiks.
Hinn 19 ára gamli Mats Rots var hetja Twente á 82. mínútu leiksins og sendi liðið áfram í 8-liða úrslitin.
Á fimmtudag mun síðan Nökkvi Þeyr Þórisson og hans menn í Spörtu Rotterdam mæta Volendam en leikurinn hefst klukkan 20:00 á íslenskum tíma.
Athugasemdir
