Mason Greenwood kom að fimm mörkum hjá Marseille
Englendingurinn Mason Greenwood var í essinu sínu í 9-0 stórsigri Marseille á utandeildarliði Bayeux í 32-liða úrslitum franska bikarsins í kvöld.
Roberto De Zerbi var ekkert að hvíla sína bestu menn fyrir þennan leik.
Greenwood, sem hefur verið bestur hjá Marseille á þessari leiktíð, byrjaði og skoraði þrennu í leiknum ásamt því að leggja upp tvö mörk.
Amine Gouiri skoraði tvö og þá gerðu þeir Angel Gomes, Hamed Traore, CJ Egan-Riley og Neil Maupay allir eitt mark.
Greenwood hefur nú komið að 25 mörkum í 25 leikjum í öllum keppnum á tímabilinu.
Algert burst hjá Marseille sem bókaði farseðilinn í 16-liða úrslitin og nokkuð örugglega.
Marseille mætir Rennes í næstu umferð en liðið er nú talið líklegast til að vinna bikarinn eftir að Paris Saint-Germain datt óvænt úr leik í gær.
Franski boltinn er á Livey en hægt er að nálgast áskrift með því að smella á tengilinn
Athugasemdir
