Fótbolti.net

Christopher Brazell: Við erum með mikil gæði í liðunu

Úlfur Arnar: Við sundurspilum þá í svona sjötíu mínútur

Ásgeir Börkur: Hvort við ætluðum ekki að drullast til að skora þriðja markið

Binni Gests: Menn þurfa að standa í lappirnar og drullast til þess að njóta þess að spila

Magnús Már: Þetta var sanngjarnt

Guðmann Þórisson: Við vorum hörmulegir

Alfreð Elías: Eins og sást kannski nokkuð vel

Ómar Ingi: Mér fannst það bara rangt

Bruno Soares: Að mínu mati gerði ég ekkert

Dean Martin: Er búinn að taka út bannið og þetta er bara búið

Gunnar Heiðar: Þetta er það sem Vestri þarf að gera í öllum leikjum

Birgir gat ekki verið sáttari: Ólýsanleg og æðisleg tilfinning

Jón Þór svekktur: Spilum á fimm hafsentum í þessum leik

Siggi hæstánægður: Nú ætla ég að fara hætta að minnast á þetta

Steven Lennon: Allt hefur breyst undir Eiði Smára

Venni Ólafs: Manni fannst ekkert jöfnunarmark vera á leiðinni

Gústi Gylfa: Skemmtilegar síðustu 10 en leiðinlegt fram að því

Heimir Guðjóns: Heppnir að sleppa með jafnteflið

Arnar Grétars: Ein mistök og okkur refsað grimmilega

Áslaug Munda dekkaði Sveindísi: Það er ekki einfalt

mið 18. maí 2022 11:23

@saebjornth

Sæbjörn Þór Þórbergsson Steinke

Sagðist ætla draga Víking og gerði það - „Gaman að mætast loksins í keppnisleik"

Nik Chamberlain

Mynd: Fótbolti.net - Hafliði Breiðfjörð

John Andrews

Mynd: Fótbolti.net - Hafliði Breiðfjörð

Íris varði vel gegn ÍBV

Mynd: Fótbolti.net - Hafliði Breiðfjörð

Fótbolti.net ræddi við Nik Anthony Chamberlain, þjálfara kvennaliðs Þróttar, eftir að dregið var í 16-liða úrslit Mjólkurbikarsins í gær.

Þróttur var dregið sem heimalið upp úr skálinni og sá Nik um að draga andstæðing liðsins. Nik dró Víking Reykjavík og mætast liðin um þarnæstu helgi í Laugardalnum. Eftir dráttinn var hlegið því áður en hann fór í það að draga hafði hann sagt við John Andrews, þjálfara Víkings, að hann myndi draga Víking sem andstæðing Þróttar.

„Ég hló bara af því að áður en ég fór að draga þá klesstum við John saman hnefum og ég sagðist ætla að draga Víking. Það varð svo niðurstaðan," sagði Nik.

„Það verður góður leikur, við John höfum spilað mjög oft yfir vetrartímann í gegnum árin, örugglega oftar en gegn öllum öðrum liðum. Það verður gaman að spila loksins keppnisleik á móti hvor öðrum."

Er einnig gaman að mæta liði úr annarri deild?

„Ég myndi ekki segja það, því núna er pressan sjálfkrafa á okkur að vinna og að við eigum að fara áfram. Við þurfum að standast þær væntingar."

Kaflaskiptur leikur í eyjum
Þróttur vann gegn ÍBV í Vestmannaeyjum á laugardag og var Nik spurður út í þann leik.

„Þetta var algjörlega leikur tveggja hálfleika. Vindurinn stýrði leiknum, við náðum smá kafla í fyrri hálfleik þar sem við vorum með boltann og reyndum að komast í gegn en vantaði upp á að klára þær sóknir. Íris tók nokkrar stórar vörslur sem héldu okkur í leiknum og í seinni hálfleik þá náðum við hægt og rólega að brjóta þær niður. Við sýndum gæði í jöfnunarmarkinu og svo skoraði Sæunn með þrumufleyg. Það var það sem þurfti."

Mörk Þróttar í leiknum komu seint. Hafðiru aldrei áhyggjur?

„Það var tímapuntkur í leiknum þar sem ég hafði áhyggjur því við vorum í rauninni ekki að skapa okkur neitt. Við breyttum aðeins til, Murphy fór upp á topp og Sæunn kom inn á miðsvæðið til að bjóða upp á annars konar sóknarleik sem endaði á skipta sköpum."

„Ég myndi ekki segja að þetta hafi meiri þýðingu en bara þrjú stig á þessum tímapunkti. Það er alltaf gott að vinna og taka þrjú stig. Við fórum til eyja í fyrra og unnum líka og mikluðum það ekkert fyrir okkur. Við njótum þess að fara þangað og fyrir okkur eru þetta bara þrjú stig á töfluna og við höldum áfram," sagði Nik.

Næsti leikur Þróttar í Bestu deildinni er gegn Þór/KA í kvöld. Liðið er með sjö stig eftir fjóra leiki.

Athugasemdir

Nýjustu fréttirnar