Rúnar Kristinsson var tekinn tali eftir 1-3 tap KR gegn sterku liði Standard Liege í Evrópudeildinni í kvöld.
"Þetta var bara 3-1 tap og ég er ósáttur við að fá á mig mark undir lok fyrri hálfleiks og lok leiksins, það gerir úrslitin svona frekar slæm fyrir okkur."
"Við vorum góðir í fyrri hálfleik, spiluðum frábæran leik og þeir voru nokkuð ráðalausir lengi vel. Fengu bara þessa hornspyrnu sem gaf þeim þetta mark."
Aðstæðurnar höfðu mikil áhrif á hvernig leikurinn spilaðist í dag en völlurinn var gegndrepa til að byrja með.
"Gríðarlega erfiðar, mikil bleyta búið að vera álag á okkar mönnum og það seig dálítið í og menn voru þreyttir en þeir lögðu sig alla fram og börðust fram á síðustu mínútu. Við hættum okkur aðeins framar á völlinn og freistuðum þess að jafna. Vissum þá að við gætum fengið eitt í andlitið undir restina. En strákarnir lögðu sig vel fram og geta verið stoltir af þessum leik þrátt fyrir að hafa tapað."
