Víkingur Ó. er kominn í úrslit B-deildar Lengjubikarsins
Álftanes og Víkingur Ólafsvík eru komin í úrslit í neðri deildunum í Lengjubikarnum.
Ólsarar unnu Dalvík/Reyni, 2-1, í undanúrslitum B-deildar. Alysson Da Silva skoraði á 24. mínútu en Dalvík/Reynir jafnaði metin þegar stundarfjórðungur var eftir.
Aðeins þremur mínútum síðar gerði Ellert Gauti Heiðarsson markið sem kom Ólsurum í úrslitaleikinn, en andstæðingur þeirra verða Haukar eða Fjölnir sem mætast í hinum undanúrslitaleiknum á morgun.
Álftanes mun leika í úrslitum C-deildar eftir að hafa unnið KFR, 3-1.
KFR komst yfir á 20. mínútu með sjálfsmarki Hilmis Inga Jóhannessonar en svöruðu því með þremur mörkum á síðustu tuttugu mínútunum.
Sveinn Sær Vattnes Ingólfsson jafnaði á 72. mínútu og gerði Markús Pálmi Pálmason annað markið tíu mínútum síðar. Arian Ari Morina sendi síðan Álftanes í úrslitaleikinn með marki undir lok leiks.
Álafoss eða Hamar verður andstæðingur Álftnesinga í úrslitum.
Úrslit og markaskorarar:
B-deild:
Víkingur Ó. 2 - 1 Dalvík/Reynir
1-0 Allyson Fernando Santos Da Silva ('24 )
1-1 Almar Örn Róbertsson ('74 )
2-1 Ellert Gauti Heiðarsson ('77 )
C-deild:
KFR 1 - 3 Álftanes
1-0 Hilmir Ingi Jóhannesson ('20 , sjálfsmark)
1-1 Sveinn Sær Vattnes Ingólfsson ('72 )
1-2 Markús Pálmi Pálmason ('82 )
1-3 Arian Ari Morina ('90 )
