Hákon Arnar lék allan leikinn með Lille
Hákon Arnar Haraldsson og hans menn í Lille gerðu markalaust jafntefli við Nice í 30. umferð frönsku deildarinnar í kvöld. Þessi úrslit gera ekki mikið fyrir Lille sem er í baráttu um Meistaradeildarsæti.
Lille þarf á öllum stigum að halda til þess að komast í deild þeirra bestu á næstu leiktíð.
Það hafði unnið fjóra leiki í röð og ekki tapað síðan í febrúar fram að leiknum í kvöld.
Jafntefli gegn liði eins og Nice væri eflaust fín úrslit undir eðlilegustu kringumstæðum, en ekki á þessum tímapunkti því nú fá Lyon og Rennes tækifæri til að komast inn í baráttuna.
Hákon Arnar lék allan leikinn með Lille í kvöld sem er í 3. sæti deildarinnar með 54 stig og aðeins þriggja stiga forystu um Meistaradeildarsæti.
Það sem hjálpaði Lille þó var 2-0 sigur Lorient á Marseille. Þannig helst Marseille áfram í 4. sæti með 52 stig og enn fyrir neðan Lille, en það lið sem hafnar í 4. sæti fer í umspil um sæti í Meistaradeildina á meðan efstu þrjú liðin fara beint í deildarkeppnina.
Lille 0 - 0 Nice
Lorient 2 - 0 Marseille
1-0 Panos Katseris ('28 )
2-0 Bamba Dieng ('58 )
Angers 1 - 1 Le Havre
0-1 Sofiane Boufal ('13 )
1-1 Prosper Peter ('28 )
Rautt spjald: Arouna Sangante, Le Havre ('75)
