Sigfús Fannar Gunnarsson er leikmaður umferðarinnar.
Benedikt Daríus átti frábæra innkomu af bekknum.
Leiknir vann á Húsavík.
Spennan eykst bæði á toppi og botni Lengjudeildarinnar eftir 18. umferðina sem öll var leikin í gær. Topplið Njarðvíkur tapaði fyrir Þrótti og Þór vann ÍR í hinum stórleik umferðarinnar.
LEIKMAÐUR UMFERÐARINNAR:
Sigfús Fannar Gunnarsson var hetja Þórs og skoraði eina markið í 1-0 útisigri gegn ÍR. Sigfús hefur skorað 11 mörk á tímabilinu. Tók markið virkilega vel, sniðug afgreiðsla með hægri vinstra megin í teignum í nokkuð þröngu færi eftir að hafa skilið Marc eftir í ryinu. Sigfús fékk mjög gott færi í fyrri hálfleik en nýtti það ekki, það hafði ekki áhrif á sjálfstraustið. Var óhræddur að hlaupa á menn og hefur tekið miklum framförum milli tímabila, orðinn leikmaður sem virkilega skiptir máli í Þórsliðinu.
LEIKMAÐUR UMFERÐARINNAR:
Sigfús Fannar Gunnarsson var hetja Þórs og skoraði eina markið í 1-0 útisigri gegn ÍR. Sigfús hefur skorað 11 mörk á tímabilinu. Tók markið virkilega vel, sniðug afgreiðsla með hægri vinstra megin í teignum í nokkuð þröngu færi eftir að hafa skilið Marc eftir í ryinu. Sigfús fékk mjög gott færi í fyrri hálfleik en nýtti það ekki, það hafði ekki áhrif á sjálfstraustið. Var óhræddur að hlaupa á menn og hefur tekið miklum framförum milli tímabila, orðinn leikmaður sem virkilega skiptir máli í Þórsliðinu.
Þór er nú stigi frá toppnum. Ýmir Már Geirsson fær einnig pláss í liði umferðarinnar og Sigurður Heiðar Höskuldsson er þjálfari umferðarinnar.
Kári Kristjánsson var besti maður vallarins þegar Þróttur vann öflugan 3-2 útisigur gegn Njarðvík. Hann skoraði fyrsta mark Þróttar en annað markið gerði Aron Snær Ingason gegn sínu fyrrum félagi. Þróttur er í þriðja sæti og ÍR í fjórða.
HK, sem er í fimmta, gerði 3-3 jafntefli við Grindavík í mögnuðum leik. Þrátt fyrir að hafa sótt boltann þrisvar úr netinu var Matias Niemela í marki Grindavíkur valinn maður leiksins.
Skyndilega vaknaði Fylkir og það með hvelli, 4-0 gegn Keflavík. Benedikt Daríus Garðarson breytti miklu með innkomu sinni af bekknum og skoraði tvívegis. Orri Sveinn Segatta er einnig í liði umferðarinnar.
Völsungur tapaði 1-2 á heimavelli gegn Leikni. Kári Steinn Hlífarsson skoraði sigurmarkið í leiknum og Djorde Vladisavljevic var öflugur í vörn Breiðhyltinga.
Fjölnir vann langþráðan og lífsnauðsynlegan 2-1 útisigur gegn Selfossi. Daníel Ingvar Ingvarsson var góður á miðjunni hjá Fjölni og Árni Steinn Sigursteinsson síógnandi.
Fyrri úrvalslið:
17. umferð - Ólafur Íshólm Ólafsson (Leiknir)
16. umferð - Adam Árni Róbertsson (Grindavík)
15. umferð - Hrafn Tómasson (Þróttur)
14. umferð - Jakob Héðinn Róbertsson (Völsungur)
13. umferð - Einar Freyr Halldórsson (Þór)
12. umferð - Dagur Orri Garðarsson (HK)
11. umferð - Dominik Radic (Njarðvík)
10. umferð - Bergvin Fannar Helgason (ÍR)
9. umferð - Dagur Orri Garðarsson (HK)
8. umferð - Óðinn Bjarkason (ÍR)
7. umferð - Ármann Ingi Finnbogason (Grindavík)
6. umferð - Ívar Arnbro Þórhallsson (Völsungur)
5. umferð - Jóhann Þór Arnarsson (HK)
4. umferð - Elfar Árni Aðalsteinsson (Völsungur)
3. umferð - Gabríel Aron Sævarsson (Keflavík)
2. umferð - Ibrahima Balde (Þór)
1. umferð - Gabríel Aron Sævarsson (Keflavík)
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
