ÍR er á toppi Lengjudeildarinnar.
Dagur Orri Garðarsson er leikmaður umferðarinnar.
ÍR-ingar eru áfram á toppi Lengjudeildarinnar eftir 9. umferð en þeir gerðu markalaust jafntefli á útivelli gegn Keflavík í gær. Leikmaður umferðarinnar kemur hinsvegar úr röðum HK en liðið vann 2-1 útisigur gegn Fylki og er tveimur stigum frá toppnum.
LEIKMAÐUR UMFERÐARINNAR:
„DAGUR KEMUR HK YFIR! Jóhann Þór þræðir Dag í gegn og sá síðarnefndi lyftir boltanum snyrtilega yfir Ólaf Kristófer og í netið! Stuðningsmenn HK syngja 'Þessi fallegi Dagur'." skrifaði Kári Snorrason, fréttamaður Fótbolta.net, í textalýsingu frá 2-1 útisigri HK gegn Fylki. Dagur Orri Garðarsson, 19 ára gamall sóknarmaður sem er hjá HK í láni frá Stjörnunni, skoraði bæði mörk Kópavogsliðsins og er leikmaður umferðarinnar.
LEIKMAÐUR UMFERÐARINNAR:
„DAGUR KEMUR HK YFIR! Jóhann Þór þræðir Dag í gegn og sá síðarnefndi lyftir boltanum snyrtilega yfir Ólaf Kristófer og í netið! Stuðningsmenn HK syngja 'Þessi fallegi Dagur'." skrifaði Kári Snorrason, fréttamaður Fótbolta.net, í textalýsingu frá 2-1 útisigri HK gegn Fylki. Dagur Orri Garðarsson, 19 ára gamall sóknarmaður sem er hjá HK í láni frá Stjörnunni, skoraði bæði mörk Kópavogsliðsins og er leikmaður umferðarinnar.
Ólafur Örn Ásgeirsson átti góða innkomu í mark HK en hann kom inn af bekknum á 25. mínútu, eftir að Arnar Freyr Ólafsson meiddist. Hann átti nokkrar flottar vörslur.
Sigurður Karl Gunnarsson varnarmaður ÍR var maður leiksins í markalausa jafnteflinu gegn Keflavík.
Njarðvíkingar eru í öðru sæti en þeir gerðu enn eitt jafnteflið á föstudaginn, 1-1 gegn Leikni. Amin Cosic var valinn maður leiksins en Dusan Brkovic skoraði jöfnunarmark Leiknis seint í leiknum.
Yann Emmanuel Affi var valinn maður leiksins í 2-0 sigri Þórs gegn Selfossi. Ragnar Óli Ragnarsson skoraði fyrra mark Þórsara.
Óvænt úrslit voru í Laugardalnum þar sem Fjölnir vann sinn fyrsta sigur, liðið vann 4-1 útisigur gegn Þrótti. Reynsluboltinn Reynir Haraldsson var valinn maður leiksins. Bjarni Þór Hafstein skoraði, lagði upp og lagði líf og sál í leikinn.
Aðalsteinn Jóhann Friðriksson, þjálfari Völsungs, er þjálfari umferðarinnar. Húsvíkingar halda áfram að vera öflugir og unnu 4-2 útisigur gegn Grindavík. Jakob Héðinn Róbertsson skoraði þrennu og Gestur Aron Sörensson eitt.
Fyrri úrvalslið:
8. umferð - Óðinn Bjarkason (ÍR)
7. umferð - Ármann Ingi Finnbogason (Grindavík)
6. umferð - Ívar Arnbro Þórhallsson (Völsungur)
5. umferð - Jóhann Þór Arnarsson (HK)
4. umferð - Elfar Árni Aðalsteinsson (Völsungur)
3. umferð - Gabríel Aron Sævarsson (Keflavík)
2. umferð - Ibrahima Balde (Þór)
1. umferð - Gabríel Aron Sævarsson (Keflavík)
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
